I dag har eg vore på 150 års jubileum i Time kyrkje. Var med i jubileumskoret, si eg har gått i kor i kyrkja en gong i tida... ICHTYS. Under har eg skrevet inn jubileussalmen, den stod og i Jærbladet på fredag! Veldig fine salme!!
Jubileumssalme
tekst: Heidi Strand Harboe
melodi: Johanne Ur Sæbø
Til ditt heilage hus tek eg med mine dagar,
for alt det eg lever er ditt.
Eg vil vera hos deg, vera heil vera ekte,
hit kjem eg med livet mitt.
Eg kjem til deg med glede, ein sommar ber eg inn
med blåklokker, kløver og solvind, eg kjem med lette trinn.
I havet sin puls i mot stranda der bur mine hjarteslag.
Livet er enkelt å bera med seg ein sommardag.
Til ditt heilage hus tek eg med mine dagar,
for alt det eg lever er ditt.
Eg vil vera hos deg, vera heil vera ekte,
hit kjem eg med livet mitt.
Eg kjem til deg med uro, med haust og iskald vind.
Med stormar, med gråt og med sinne, så kjem eg med tvilen min.
Fins mogning og vekst i mi uro? Eg veit ikkje kor eg skal.
Herre, kom ver du min styrke, vinden er sterk og kald.
Til ditt heilage hus tek eg med mine dagar,
for alt det eg lever er ditt.
Eg vil vera hos deg, vera heil vera ekte,
hit kjem eg med livet mitt.
Eg kjem med frost og kulde, ein vinter frys i meg.
Eg kjem hit på iskalde føter, eg leiter meg fram til deg.
Her kjem eg med sjelvande tankar, når livet er kaldt som snø.
Herre du står der og ventar, rekkjer meg vin og brød
Til ditt heilage hus tek eg med mine dagar,
for alt det eg lever er ditt.
Eg vil vera hos deg, vera heil vera ekte,
hit kjem eg med livet mitt.
Så står eg her med våren, og alt er liv og song.
Eg kjem hit med alt dette nye, eg står her som første gong.
Eg kjem hit med håp og med glede, eg kjem hit med alt eg vil.
Du gjev meg styrke og kvile, her som eg høyrer til.
Til ditt heilage hus tek eg med mine dagar,
for alt det eg lever er ditt.
Eg vil vera hos deg, vera heil vera ekte,
hit kjem eg med livet mitt.
Du tek i mot meg Jesus, her ventar du på meg.
Mens tidene mognast og vekslar, så høyrer eg til hos deg.
Du møter meg Herre i dåpen, er nær i min siste kveld.
Du er mi trøyst og min tillit, Gud du vil allting vel.
Til ditt heilage hus tek eg med mine dagar,
for alt det eg lever er ditt.
Eg vil vera hos deg, vera heil vera ekte,
hit kjem eg med livet mitt.
